Assalawma aleykum, Húrmetli salıq tólewshiler!
Xabarıńız bar, usı jıldıń 16-mart kúni Húrmetli Prezidentimizdiń Mámleketlik salıq komitetine saparı dawamında salıq sistemasın cifrlastırıw, salıq tólewshilerge xızmet kórsetiw sapasın jaqsılaw “Salıqshı – isbilermenge kómekshi” principi tiykarında isbilermenlik subyektleri menen tuwrıdan-tuwrı baylanısta bolıw hám olardıń jumısı dawamındaǵı mashqalaların úyreniw boyınsha bir qatar tapsırmalar berilgen edi.
Usı tapsırmalardıń orınlanıwınan kelip shıǵıp meniń basshılıǵımda No‘kis qalası mámleketlik salıq inspekciyası tárepinen búgingi kúnde “Salıqshı – isbilermenge kómekshi” principi tiykarında mámleketlik salıq xızmetkerleri tárepinen ámeliy jumıslar jolǵa qoyılǵan.
Mámleketlik salıq komitetiniń 2021-jıl 11-yanvar kúngi “Salıqshı – isbilermenge kómekshi” principi tiykarında isbilermenlerdi qollap-quwatlaw boyınsha ámelge asırılıwı lazım bolǵan “Háreketler rejesi” tastıyıqlaw haqqındaǵı 10-sanlı buyrıǵı qabıl etildi.
Usı buyrıqqa tiykarlanıp kómeklesiw zárúr bolǵan isbilermenlik subyektleriniń dizimi islep shıǵılıp, bul toparǵa:
– tazadan ashılǵan subyektler;
– esabat usınbaǵanlar;
– “Nol” esabat usınǵanlar;
– tólem ámelge asırmaǵanlar;
– is haqı esaplamaǵanlar;
– bank aylanısın ámelge asırmaǵanlar;
– salıq uyımlarına bir neshe márte múrájat etken salıq tólewshiler kiritildi.
Usı kómekke zárúr bolǵan toparǵa kiritilgen isbilermenlik subyektleriniń mashqalaların úyreniw hám olarǵa járdem beriw barısında salıq uyımları tárepinen tiyisli is ilajlar alıp barılmaqta.
Atap aytqanda No‘kis qalalıq mámleketlik salıq inspekciyası tárepinen 2022-jıldıń 10 ayı dawaminda 893 isbilermenler menen ushırasıwlar ótkerildi hám kómeklesiw zárúr bolǵan járdemge mútáj isbilermenlik subyektlerinen 786 isbilermen menen jeke ushırasıp salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik subyektleriniń mashqalaları úyrenilip shıǵıldı.
Úyreniw nátiyjesinde 613 salıq uyımlarına baylanıslı bolǵan máseleler boyınsha mashqalaları bar ekenligi anıqlanıp, tiyisli ámeliy járdemler kórsetildi.
Sonnan 182 jaǵdayda tazadan ashıp atırǵan isbilermenlerge, 154 jaǵdayda birinshi buxgalteriyalıq esabatların júritiwdi túsindiriw, 147 jaǵdayda salıq tárepinen berilgen jeńilliklerden járdem beriw, 133 jaǵdayda 155,9 mln. somlıq basqa salıq túrlerinen artıqsha tólem summaların qaytarıp beriw hám 81 jaǵdayda basqa máseleler boyınsha mashqalaları sheship berildi.
Sonday-aq, 36 jaǵdayda basqa mákeme hám shólkemlerge tiyisli mashqalalar, 9 jaǵdayda gaz, elektr, suw hám kanalizaciya boyınsha hám 42 jaǵdayda basqa túrdegi mashqalaları barlıǵı anıqlandı.
“Salıqshı – isbilermenge kómekshi” principi tiykarında isbilermenlerdi qollap-quwatlaw boyınsha tiyisli is ilajlar salıq uyımları tárepinen dawam ettirilmekte.
Húrmetli isbilermenler! No‘kis qalasi mámleketlik salıq xızmetinde xızmet júrgiziwshi barlıq salıq xızmetkerleri sizlerge kómek beriwge hámiyshe tayar!
Saylaw Usnatdinov,
Nókis qalası MSI baslıǵı.