Moynaq rayonı MSI, 4-sektor baslıǵı A.Raxmetullaev basshılıǵında sektorǵa biriktirilgen “Moynaq” máhállesi hákim járdemshisi, hayal-qızlar belsendisi hám jaslar jetekshileri menen jıl basınan usı kúnge shekem alıp barılǵan jumıslar boyınsha ushırasıw ótkerdi.
Ushırasıwdan tiykarǵı maqset, hákim járdemshileriniń jumısların nátiyjeli jolǵa qoyıw, “Jaslar dápteri” boyınsha ámelge asırılǵan jumıslar, “Hayallar dápteri”ndegi sociallıq qorǵawǵa mútáj hayal-qızlarǵa materiallıq járdem kórsetiw boyınsha aldaǵı waqıtlardaǵı wazıypalardı belgilew hám usı jıldıń 4-shereginde ámelge asırılatuǵın jumıslardı dodalawdan ibarat.
Ushırasıw dawamında máhálledegi puqaralar menen islesiwde óziniń belsendiligin kórsetip atırǵan máhálle xızmetkerleriniń jumısları boyınsha sektor baslıǵı óziniń unamlı pikirin bildirip, ámelge asırılatuǵın jumıslar boyınsha ilajlar belgilenip alındı.