Hu’rmetlı salıq tólewshiler!
Xabarın’ız bar, usı jıl 16-mart ku’ni Prezidentimiz Ma’mleketlik salıq komitetine barıp, salıq sho’lkemlerı xızmetkerleri menen ushirasiw waqtında isbilermenler menen ushirasip, olardin’ ma’selelerin u’yrenip, salıq nizamshilig’indag’i o’zgerisler boyinsha tu’sindiriwler alıp barıp, za’ru’r tapsırmalar bergen edi.
Bu’gingi ku’nde de “Salıqshı – isbilermenge ja’rdemshi” principi tiykarinda Qanlıko’l rayonı salıq xızmeti sho’lkemleri ta’repinen isbilermenler aldina barg’an halda olardin’ ma’selelerin u’yrenip, ko’shpeli salıq ma’sla’ha’tleri ko’rsetilip atır.
Ma’mleketlik salıq komitetinin’ 2021-jıl 11-yanvar ku’ngi “Salıqshi-isbilermenge ko’mekshi” principi tiykarinda isbilermenlerdi qollap-quwatlaw boyınsha a’melge asiriliwi lazım bolg’an “Ha’reketler rejesi”n tastiyiqlaw haqqındag’i 10-sanlı buyrig’i qabıl etildi.
Usı buyrıqqa tiykarlanıp ko’meklesiw za’ru’r bolg’an isbilermenlik subyektlerinin’ dizimi islep shig’ilip, bul toparg’a:
– tazadan ashilg’an subyektler;
– esabat usinbag’anlar;
– “Nol” esabat using’anlar;
– to’lem a’melge asirmag’anlar;
– is haqi esaplamag’anlar;
– bank aylanisin a’melge asirmag’anlar;
– salıq uyımlarına bır neshe ma’rte mu’rájat etken salıq to’lewshiler kiritildi.
Usı ko’mekke za’ru’r bolg’an toparg’a kiritilgen isbilermenlik subyektlerinin’ mashqalalarin u’yreniw ha’mde olarg’a ja’rdem beriw barisinda salıq organlari ta’repinen tiyisli ilajlar alıp barılmaqta.
Atap aytqanda, Qanlıko’l rayonlıq ma’mleketlik salıq inspekciyası ta’repinen 2022-jıldın’ oktyabr ayı dawamında 11 isbilermenler menen ushırasıwlar o’tkerdik ha’m ko’meklesıw za’ru’r bolg’an ja’rdemge mu’ta’j isbilermenlik subyektlerinen 7 isbilermen menen jeke ushırasıp, salıq to’lewshilerge ko’rsetiletug’in arnawlı xızmetler dizimi menen tanıstırılıp, isbilermenlik subyektlerinin’ mashqalaları u’yrenilip shig’ildı.
Uyreniw na’tiyjesinde 7 salıq uyımlarına baylanıslı bolg’an ma’seleler boyınsha mashqalaları bar ekenligi anıqlanıp, tiyisli a’meliy ja’rdemler ko’rsetildi.
Sonnan 4 jag’dayda jan’adan jumısın jolg’a qoyıp atırg’an isbilermenlerge birinshi buxgalteriyalıq esabatların ju’ritiwdı tu’sindiriw, 3 jag’dayda jeke esap betinen nusqa beriw ha’m basqa ma’seleler boyınsha mashqalaları sheship berildi.
Sonın’ menen birge, u’yreniwler dawamında salıq tu’rleri boyınsha 2 subyektlerdin’ 3.1 million som a’meldegi artıqsha to’legen summası qaytarıp berildi. Bu’gingi ku’nde salıq to’lewshilerge qolaylıqlar jaratıw maqsetınde elektron xızmetler ko’rsetiw ko’leminiń ja’ne de ken’eytiw za’ru’rli faktor bolıp atır. Mısalı, bu’gingi ku’nde Qanlıko’l rayonında “E-ijara” avtomatlastirilg’an programmalıq dastu’ri arqalı isbilermenlerge tu’sindiriw ilajlari alıp barılmaqta.
Haqıyqattan da, Prezidentimiz aytıp o’tkenindey, salıq to’lewshilerge haqıyqıy ma’niste ja’rdemshi, u’yretiwshi bolıw salıq sho’lkemlerinin’ bas wazıypasına aylanıp atır. Usı ma’nisten alıp qarag’anda, isbilermenler ushın ja’ne de jen’illik jaratıw ushın “Avtokameral” avtomatlastirilg’an informaciya sistemasinin’ jumısqa tu’siriliwi tarawdag’ı jan’alıq boldı.
Bul sistema arqalı, salıq sho’lkemleri salıq to’lewshiler iskerliginde tekseriwden aldıng’ı analizlerdi, itibar qaratin’ tekseriwlerdi emes, analizlerdi o’tkeriwi mu’mkin. Yag’nıy, salıq to’lewshi iskerligi dawamında qanday da aljasıqlarg’a jol qoyıp atirg’an bolsa yamasa esabatlarında qanday da kemshilikler anıqlang’an jag‘dayda, avtomatlasqan sistema tezlik penen salıq to’lewshinin’ jeke kabinetine aljasıqlardı on’law haqqında xabarnama jiberedi. Sapalı programma o’zi kemshiliklerdi anıqlap, waqtında isbilermenge ja’rdemshi bolıp, xabar berip baradi. En’ a’hmiyetlisi, bunda insan faktorı aralaspaydı.
Usı jıldın’ 10 ayı dawamında “Salıq hamkor” programması arqalı Qanlıko’l rayonında iskerlik ko’rsetip kiyatirg’an isbilermenlik subyektleri menen baylanıslı salıq huqıqbuzarlıqları haqqında ja’mi 33 mu’rájat kelıp tu’sken. Olardın’ 27 mu’rájati boyınsha ko’shpeli salıq tekseriwleri o’tkerilip, sawda qag’iydaları buzilg‘anlig‘ı tastiyiqlandı. Bu’gingi ku’nge shekem mu’rajatlari o’z tastiyig’in tapqan 27 puqaranın’ bank plastık kartasına 78.5 million somg‘a jaqın pul o’tkerip berildi.
Itibarli ta’replerden tag’i biri, salıq reformalarinin’ jedellik penen a’melge asiriliwi ha’m de salıq mexanizmlerinin’ ja’ne de a’piwayilasiwi na’tiyjesinde, jasirin ekonomika keskin qisqarip, salıq tu’simleri sezilerli da’rejede artpaqta. Isbilermenlik subyektlerine salıq nızamshılıg’ına kiritilgen o’zgeris ha’m qosımshalar, jan’alıqlar, avtomatlastırılg’an informaciya sistemaları haqqında u’zliksiz tu’rde, tolıq mag’liwmatlar berip barilmaqta.
Hu’rmetli isbilermenler!
Qanlıko’l rayonı ma’mleketlik salıq xızmeti sho’lkemlerı xızmetkerleri salıq tarawina tiyisli barlıq sorawlarin’izg’a juwap beriw, bilmegenlerin’izdi u’yretiw ha’m “Salıqshı – isbilermenge ko’mekshi” principi tiykarinda sizge jaqınnan ja’rdem beriwge barqulla tayın.