Assalawma aleykum,
Hu’rmetli saliq to’lewshiler!
Xabarin’iz bar, usi jil 16-mart ku’ni Prezidentimiz Ma’mleketlik saliq komitetine barip, saliq sho’lkemleri xizmetkerleri menen ushirasiw waqtinda isbilermenler menen ushirasip, olardin’ ma’selelerin u’yrenip, saliq nizamshilig’indag’i o’zgerisler boyinsha tu’sindiriwler alip barip, za’ru’r tapsirmalar bergen edi.
Bu’gingi ku’nde de “Salıqshı–isbilermenge ja’rdemshi” principi tiykarinda Qanlikól rayonı salıq xızmetı sho’lkemleri ta’repinen isbilermenler aldina barǵan halda olardin’ ma’selelerin u’yrenip, ko’shpeli salıq ma’sla’ha’tleri ko’rsetilip atir.
Qanliko’l rayonliq Ma’mleketlik salıq inspekciyasi ta’repinen 2022-jildin’ noyabr ayı dawamında 12 isbilermenler menen ushırasıwlar o’tkerdik ha’m ko’meklesiw za’ru’r bolǵan ja’rdemge mu’ta’j isbilermenlik subyektlerinen 7 isbilermen menen jeke ushırasıp, salıq to’lewshilerge ko’rsetiletuǵin arnawlı xızmetler dizimi menen tanistirilip, isbilermenlik subyektlerinin’ mashqalaları úyrenilip shiǵildi.
Úyreniw na’tiyjesinde 8 salıq uyımlarına baylanıslı bolǵan ma’seleler boyınsha mashqalaları bar ekenligi anıqlanıp, tiyisli a’meliy ja’rdemler kórsetildi.
Sonnan 5 jag’dayda jan’adan jumısın jolǵa qoyıp atirǵan isbilermenlerge birinshi buxgalteriyaliq esabatlarin ju’ritiwdi tu’sindiriw, 3 jag’dayda jeke esap betinen nusqa beriw hám basqa ma’seleler boyınsha mashqalaları sheship berildi.
Sonıń menen birge, úyreniwler dawamında salıq tu’rleri boyınsha 2 subyektlerdin’ 2.5 million.som a’meldegi artıqsha to’legen summası qaytarip berildi. Bu’gingi ku’nde salıq to’lewshilerge qolaylıqlar jaratıw maqsetinde elektron xizmetler ko’rsetiw ko’leminiń ja’ne de ken’eytiw za’ru’rli faktor bolip atır. Misali, bu’gingi ku’nde Qanlıko’l rayonında “E-ijara” avtomatlastirilg’an programmalıq dástu’ri arqalı isbilermenlerge tu’sindiriw ilajlari alıp barılmaqta.
Usi jildin’ 11 ayı dawamında “Saliq hamkor” programması arqalı Qanlıko’l rayonında iskerlik ko’rsetip kiyatirg’an isbilermenlik subyektleri menen baylanıslı salıq huqıqbuzarliqları haqqında ja’mi 33 mu’rájat kelip tu’sken. Olardin’ 27 mu’rájati boyınsha ko’shpelı salıq tekseriwleri o’tkerilip, sawda qag’iydalari buzilg‘anlig‘i tastiyiqlandi. Bu’gingi ku’nge shekem mu’rájatlari o’z tastiyig’in tapqan 27 puqaraniń bank plastik kartasina 78.5 million somǵa jaqın pul o’tkerip berildi.
Hu’rmetli isbilermenler!
Qanliko’l rayonı ma’mleket salıq xızmeti sho’lkemleri xizmetkerleri salıq tarawina tiyisli barlıq sorawlarin’izg’a juwap beriw, bilmegenlerin’izdi u’yretiw ha’m “Salıqshı – isbilermenge ko’mekshi” principi tiykarinda sizge jaqinnan ja’rdem beriwge ba’rqulla tayin.