Taxtakópir rayonlıq salıq inspekciyası, rayon 4-sektor baslıǵı Q.Tursımuratov basshılıǵında sektorǵa biriktirilgen «A.Adilov» awıl puqaralar jıyını hákim járdemshisi, hayal-qızlar belsendisi hám jaslar jetekshisi menen alıp barılǵan jumıslar boyınsha ushırasıw ótkerildi.

Ushırasıwdan tiykarǵı maqset, hákim járdemshisiniń jumısların nátiyjeli jolǵa qoyıw, jaslar balansın qáliplestiriw, «Jaslar dápteri» boyınsha ámelge asırılǵan jumıslar hám hayal-qızlardı isbilermenlikke tartıw, subsidiya ajıratıw «Hayallar dápteri»ndegi sociyallıq qorǵawǵa mútáj hayal-qızlarǵa materiallıq járdem kórsetiw boyınsha aldaǵı waqıtlardaǵı wazıypalardı belgilew hám usı jıldıń 2-shereginde ámelge asırılatuǵın jumıslardı dodalawdan ibarat.

Ushırasıw dawamında, máhálledegi puqaralar menen islesiwde óziniń belsendiligin kórsetip atırǵan máhálle xızmetkerleriniń jumısları boynısha sektor baslıǵı óziniń unamlı pikirin bildirip, ámelge asırılatuǵın jumıslar boyınsha ilajlar belgilenip alındı.