Taxtakópir rayonı 4-sektor basshısı Q.Tursımuratov sektor aymaǵındaǵı «Dawıtsay» mákan puqaralar jıyınları baslıǵı, hákim járdemshisi, hayal-qızlar belsendisi hám jaslar jetekshisi menen sáwbetlesiw ótkerdi.
Sáwbetlesiw dawamında puqaralar jıyınları baslıqlarınıń máhálle aymaǵında alıp barılıp atırǵan jumısları tıńlandı, bunnan soń Ózbekstan Respublikası Prezidentiniń 2022-jıl 25-oktyabr kúngi «2022-2023-jıllarda máhálleler infracrukturasın jáne de jaqsılaw boyınsha qosımsha ilajlar haqqında»ǵı 408-sanlı qararı boyınsha hár bir ishki jollardı kórip shıǵıw tapsırıldı.
Hákim járdemshileri menen sáwbetlesiwde máhálledegi jumıssız puqaralardıń bántligin támiyinlew hám de olardı isbilermenlikke tartıp, kreditler ajıratıw hám ózin ózi bánt etiw baǵdarındaǵı jumıslardı jedellestiriw tapsırıldı.
Hayal-qızlar belsendileri menen sáwbetlesiwde «Hayallar dápteri»ne kirgizilgen hayal-qızlardıń hár bir taypası boyınsha jumıslardı ámelge asırıw, olardıń bántligi hám isbilermenlikke baǵdarlaw, subsidiyalar ajıratıw boyınsha hákim járdemshileri menen birgelikte jumıslardı shólkemlestiriw wazıypaları tapsırlıdı sonday-aq, jaslar jetekshileri menen sáwbetlesiw barısında «Jaslar dápteri»nde turǵan jaslardı qayta sáwbetlesiw tilegin biliw hám de jaslardıń bos waqıtların mazmunlı ótkeriw boyınsha keshki mektep sport komplekslerinde sportqa qamtıp alıw tapsırıldı.
Jıynalıs sońında sektor basshısı tárepinen quyash panelleriniń ornatılıwı boyınsha hám quyash panellerin ornatqan puqaralardı «Salıq mobil» qosımshasında jańadan ashılǵan «Quyashlı xojalıq» bóliminen dizimnen ótkeriw boyınsha atap ótilip, bul baǵdarda tapsırmalar berildi.