Salıq kodeksiniń 378-statyasına muwapıq, perzentleri ushın ata-ana (perzentlikke alıwshılar) tárepinen mámleketlik emes, yaǵnıy jeke menshik mektep hám baqshalarǵa tóleytuǵın pulı dáramat salıǵınan azat etiledi.
⚡️Bunda salıq jeńilligi hár bir perzent ushın tólemniń 3 mln sumǵa shekemgi bólegine qollanıladı.
🔖 Mısalı, ata-ana bir balası ushın menshik mektepke ayına 3 mln sumnan tólep atırǵan bolsa, onıń bul summadan salıq jeńilligi esabınan kóretuǵın paydası hár ayda 360 mıńdı quraydı.
🔗 Bul salıq jeńilliginen paydalanıwdıń tómendegi jolları bar:
🔹Eger ata-ana tólemlerdi ózi baqshanıń (mekteptiń) esap betine ótkeriw jolı menen ámelge asırsa, barlıq kvitanciyalardı jıynap sol jıldıń aqırında ózleriniń dáramatları haqqındaǵı deklaraciyaǵa qosıp salıq uyımına tapsırıwı kerek. Sonda salıq uyımı barlıǵın esaplap, dáramat salıǵın qaytarıp beredi.
🔹 Eger ata-ana tólemlerdi óziniń jumıs ornınıń buxgalteriyası arqalı ótkeretuǵın bolsa, onda jumıs ornına dáramat salıǵın uslap qalıw boyınsha arza beriwi kerek. Qalǵan jaǵın buxgalteriya ózi esap-kitabın alıp baradı. Yaǵnıy sol 3 mln sumǵa shekemgi puldıń 12% lik bólegin aylıqqa qosıp beredi.