📢Miymanxana, kafe, restoranı barlar yamasa turoperatorlar, bul jańalıq Siz ushın!
2024-jıl 1-oktyabrdan turoperatorlıq hám miymanxana xızmetlerin kórsetiwshi isbilermenlerge byudjetke tólengen QQStıń 20 procenti qaytarıladı.
✔️Bunda turoperatorlar tárepinen kórsetilgen xızmet ushın shet el valyutadaǵı túsim jámi túsimniń keminde 80 % tin qurawı kerek.
2025-jıl 1-yanvardan keshbek ulıwma awqatlanıw kárxanalarına da beriledi.
Bunda aylıq tovar (xızmet)lerdi realizaciya etiw boyınsha aylanıstıń naq pulsiz bólegi:
✔️60 %ten 🔺- tólengen QQStıń 40 %;
✔️60 %ten 🔻bo’lsa- tólengen QQSning 20% qaytarıladı.
QQS 1 jumıs kúninde salıq organı juwmaǵı tiykarında Qaznashılıqtan isbilermenniń esap betine ótkeriledi.
⏳Isbilermen salıq esabatın tapsırǵannan keyin, bıraq 3 aydan keshiktirmesten QQStıń bir bólegin qaytarıw ushın múrájat etiwge haqılı.
Keshbek ushın shártler tolıq orınlanıwı kerek‼️
✔️esabat dáwirinde QQS esabatına muwapıq esaplanǵan salıq byudjetke tolıq tólengende;
✔️esabat dáwirinde ulıwma awqatlanıw, turoperatorlıq yamasa miymanxana xızmetlerin kórsetiw boyınsha tovar aylanbası jámi tovar aylanısınıń 90 %ten kem bolmaǵanda ;
✔️EEFda yamasa kassa cheklerinde satılǵan tovar (xızmetler) nomenklaturasi hám iskerliktiń ayrıqsha belgilerine yamasa ámelge asırılatuǵın túrlerine muwapıq bolǵan identifikaciya kodları (MXIK) kórsetilgende.
Sonıń menen birge, 2024-jıl 1-dekabrden ulıwma awqatlanıw kárxanaları fizikalıq shaxslardan awıl xojalıǵı ónimlerin satıp alǵanda akttı elektron rásmiylestiredi.
✍️Akt salıq tólewshiniń jeke kabineti yamasa Solıq mobil qosımshasında elektron qáliplestiredi hám satıwshı (fizikalıq shaxs) tárepinen tastıyıqlanıwı talap etilmeydi.
✔️Bul akt kirim hújjetlerine teńlestiriledi.
Qaraqalpaqstan Respublikası salıq basqaması Málimleme xızmeti