#nızamshılıqtaǵı_jańalıqlar
” Paxta shiyki ónimin jetistiriw hám satıwda bazar mexanizmlerin izbe-izlikte qollawdı dawam ettiriw ilajları haqqında”ǵı Prezident pármanı qabıllandı.
👉PF-7-san 17. 01. 2025-j (https://lex.uz/pdfs/7327598)
Hújjetke kóre, 2025-jıl 1-aprelden baslap paxta shiyki ónimi hám odan tayarlanatuǵın barlıq túrdegi ónimler boyınsha EEFnı rásmiylestiriw waqtında bir waqtıniń ózinde tovar -transport júk xatini (TTJ) rásmiylestiriw de talap etiledi. Bunda :
📑bul ónim túrleriniń dizimi Ónimlerdiń birden-bir elektron milliy katalogı (https://tasnif.soliq.uz/)(tovarlar hám xızmetler) kodları tiykarında Salıq komiteti tárepinen tastıyıqlanadi;
❗️2025-jıl 1-aprelden keyin bazalarda saqlanıp atırǵan tovar -materiallıq rezervlerdiń EEF hám TTJ rásmiylestirilmegen qaldıqları salıq shólkemleri tárepinen esapqa alınbaydı (inventarizaciyadan ótkerilmeydi) hám salıq salıw maqsetinde salıq tólewshiniń bazasında joq dep esaplanadı hám salıq bazasın jasırıw (kemeytip kórsetiw) retinde bahalanadı.
Isbilermenlik subyektleri bul múddette paxta shiyki óinimi hám odan qayta islengen ónimler boyınsha ámeldegi tovar -materiallıq rezervler haqqındaǵı barlıq maǵlıwmatlardı salıq organları maǵlıwmatlar bazasına kiritiliwin támiyinlewleri shárt.
Salıq komitetine eki ay ishinde isbilermenlik subyektlerine óz esabatları tiykarında qalǵan tovarlardıń túri hám muǵdarın kórsetiw imkaniyatın beretuǵın programmalıq támiynattı jumısqa túsiriw wazıypası tapsırıldı.
🗒 Maǵlıwmat ushın : 2024-jıl 1-aprelden iri salıq tólewshiler ushın, 2024-jıl 1-iyuldan bolsa barlıq xojalıq jurgiziwshi subyektlar ushın tovar -transport júk xatların (TTJ) elektron formada rásmiylestiriw sisteması engizildi .