#profilaktikalıq_ilaj
Rayonlarda korrupciyanıń aldın alıwǵa qaratılǵan úgit-násiyat ilajları ótkerildi
📍Salıq uyımların korrupciyasız sistemaǵa aylandırıw maqsetinde Qaraqalpaqstan Respublikası salıq basqarmasınıń Jeke qáwipsizlik bólimi xızmetkerleri tárepinen úgit-násiyat jumısları dawam ettirilmekte.
Atap aytqanda, Qanlıkól hám Shomanay rayonlarında sawda hám xızmet kórsetiw tarawında jumıs alıp barıp atırǵan isbilermenlik subyektlerine túsinik jumısları alıp barıldı.
Ushırasıwlarda isbilermenlerdiń salıq minnetlemelerin orınlaw waqtında gúzetiliwi múmkin bolǵan korrupciyalıq jaǵdaylar hám nızamsız háreketler haqqında @dsq_anticorrupciya_bot arnawlı telegram bot mánziline yamasa Salıq komitetiniń 1198 qısqa nomeri hám Salıq basqarmasınıń (61) 222-79-02 isenim telefonlarına múrájat etiwi múmkinligi haqqında túsinikler berildi.
Sonday-aq, olarǵa korrupciyanıń aldın alıwǵa qaratılǵan maǵlıwmat hám esletpeler sáwlelengen buklet hám flaerler tarqatıldı.