#nızamshılıq_jańalıqları
Xalıqtıń bántligin támiyinlew ushın finanslıq járdem ajıratıw sisteması jetilistiriledi
Xalıqqa qarjılay járdemlerdi ajıratıw sistemasın ápiwayılastırıw hám olardan nátiyjeli paydalanıw imkaniyatların bunnan bılay da keńeytiw jáne mánzilliligin támiyinlew maqsetinde, Prezident qararı qabıl etildi.
☝️PQ-64-san, 14.02.2025-jıl
Qararǵa bola:
“Kámbaǵallıqtan abadanlıqqa qaray” baǵdarlamasında belgilengen wazıypalardıń nátiyjeli ámelge asırılıwın shólkemlestiriw hám kámbaǵal shańaraqlardı turaqlı dáramat deregi menen támiyinlew maqsetinde Kámbaǵallıqtı qısqartıw mámleketlik maqsetli qorınıń qarjıları esabınan finanslıq járdemler ajıratılıwı belgilenbekte. Bunda:
▫️Isbilermenlik jumısın baslamaqshı bolǵan puqaralar finanslıq járdemlerdi alǵannan soń bir ay múddette salıq uyımlarınan isbilermenlik subyekti yamasa ózin-ózi bánt etken shaxs sıpatında dizimnen ótiwi zárúr;
▫️isbilermenlik subyektlerine ssudalar olardıń salıqlar hám jıyımlardan qarızdarlıǵı bolmaǵan jaǵdayda ajıratıladı.
Mámleketimizde mútáj xalıqtı ózin-ózi dáramatlı miynet penen bánt etiw, olardıń isbilermenlik baslamaların qollap-quwatlaw, ónermenchilik hám jumıstı úyge alıp islew menen shuǵıllanıwshı jumıssız puqaralarǵa ásbap-úskeneler hám shiyki zat satıp alıwı ushın mámleket tárepinen subsidiya hám basqa da qarjılay járdemlerdi ajıratıw sisteması engizilgen. Bul maqsetlerge hár jılı 140 mıńnan aslam xalıqqa qarjılar ajıratılmaqta.
🖇 Maǵlıwmat ushın: Ózin-ózi bánt etken fizikalıq tárepler “Salıq” mobil qosımshası arqalı salıq xızmeti uyımlarında dizimnen ótiwleri múmkin boladı.