#seminar
📍Nókis rayonlı isbilermenlerdiń mashqalaları hám jańa joybarları úyrenildi
♻️Keyingi jıllarda barlıq orınlarda bolǵanı sıyaqlı Qaraqalpaqstan Respublikasında da túrli baǵdarlarda biznes ortalıǵınıń jaqsılanıp baratırǵanı nátiyjesinde aymaqta isbilermenlerdiń sanı barǵan sayın artıp barmaqta.
📉 Bir ǵana mısal, Respublikada házirgi kúnde 34 574 (sonnan, 1 691 mikrofirma, 1 471 kishi kárxana, 16 312 jeke isbilermen) kishi hám orta biznes wákilleri isbilermenlik penen shuǵıllanıp kelmekte.
📝Sonlıqtan, házirgi kúnlerde Qaraqalpaqstan Respublikasınıń barlıq aymaqlarında kishi hám orta biznes wákilleri menen ushırasıwlarda da isbilermenlerdi qollap-quwatlaw, olardıń jumısına tosqınlıq etip atırǵan mashqalalarǵa sheshim tabıw, olardıń biznesin jáne de keńeytiwge ayrıqsha itibar qaratılmaqta.
⚡️Atap aytqanda, Nókis rayonında Qaraqalpaqstan Respublikası salıq basqarması baslıǵı X.Bekchanov biznes wákilleri menen usı máselede ushırasıw ótkerıldi.
📉Ushırasıwda salıq nızamshılıǵına baylanıslı ózgerisler hám jańalıqlar jáne isbilermenlerdi qarjılay qollap-quwatlaw mexanizmleri haqqında tolıq maǵlıwmat berilip, kishi isbilermenlerge jumısın orta bizneske ótkeriw hám orta tarmaqtaǵı isbilermenlerge bolsa biznesin jáne de keńeytiw, sonday-aq, eksport imkaniyatların keńeytiw boyınsha bir qatar usınıslar alǵa qoyıldı.
🔗Ashıqtan-ashıq pikirlesiwde qatnasıwshılardan onnan aslam másele boyınsha múrájatlar hám usınıslar kelip tústi. Ushırasıw juwmaqları boyınsha bildirilgen usınıslar ulıwmalastırılıp, rayonda isbilermenlikti jáne de rawajlandırıw boyınsha ámeliy ilajlar belgilep alındı.
Ilaj sońında mámleketimiz ekonomikası hám jeke menshik sektordıń rawajlanıwına múnásip úles qosıp atırǵan bir topar úlgili salıq tólewshilerge minnetdarshılıq bildirilip, estelik sawǵaları tapsırıldı.
