#salıqshı_járdemshi
“Jańa qatnas – ashıqtan-ashıq sóylesiw hám ámeliy járdem”
Salıq uyımlarınıń jumısında serviske baǵdarlanǵan sistema engizilip, isbilermenler menen tikkeley sóylesiw kúsheytilmekte. Profilaktikalıq sóylesiwler arqalı júzege keliwi múmkin bolǵan qátelerdiń aldı alınıp, hár bir múrájatqa jedel sheshim berilmekte.
Bunday ózgerisler isbilermenlik subektleri ushın da jáne de qolaylı hám ashıq-aydın ortalıqtı qáliplestirmekte. Qaraqalpaqstan Respublikasında “Tekseristen – serviske” principi tiykarında isbilermenlerdiń mashqalaların úyreniw hám olardı sheshiwge ayrıqsha itibar qaratılmaqta.
Atap aytqanda, Nókis qalasında jumıs alıp barıp atırǵan isbilermenlik subyektleriniń jumıs procesinde ushırasıp atırǵan qáte-kemshiliklerdi erte anıqlaw maqsetinde úyreniwler ótkerildi.
Anıqlanǵan mashqalalar salıq xızmeti xızmetkerleriniń járdemi menen unamlı sheshilip, olardıń nızamlı jumıs alıp barıwına járdemlesiw, aymaqta isbilermenlik ortalıǵın jáne de jaqsılaw maqsetinde anıq rejeler tiykarında ámeliy jumıslar alıp barıladı.
