Korrupciyaǵa qarsı gúresiw búgin pútkil dún’ya boylap baslı máselelerden biri bolıp esaplanadı. Bul illettiń kelip shıǵıwınıń aldın alıw maqsetinde elimizde hár bir tarawda túpkilikli reformalar ámelge asırılmaqta.
Qaraqalpaqstan Respublikası mámleketlik salıq basqarmasınıń Jeke qáwipsizlik bólimi tárepinen Shımbay rayonında ótkerilgen seminar da usı maqsetke baǵdarlanǵan.
Ilaj qatnasıwshılarına seminar dawamında korrupciyanıń mazmun-mánisi, nızam aldındaǵı ayanıshlı aqıbetleri, sonıń menen birge salıq uyımları xızmetkerleri arasında korrupciyalıq jaǵdaylardıń aldın alıw maqsetinde alıp barılıp atırǵan jumıslar haqqında maǵlıwmat berildi.
Seminardan soń korrupciyanıń aldın alıwǵa qaratılǵan maǵlıwmat hám esletpeler sáwlelengen úgit-násiyat materialları rayondaǵı sawda orınları, bazarlar hám dúkánlarǵa jaylastırılıp, isbilermenlik subyektlerine Telegram messenjerinde @dsq_anticorrupciya_bot mánzili haqqında maǵlıwmatlar berildi.
Qaraqalpaqstan Respublikası mámleketlik salıq basqarması Jeke qáwipsizligi bólimi.