Assalawma aleykum,
Húrmetli salıq tólewshiler!
Xabarıńız bar usı jıldıń 16-mart kuni Húrmetli prezidentimizdiń Mámleketlik salıq komitetine saparı dawamında salıq sistemasın jedellestiriw, salıq tólewshilerge xızmet kórsetiw sapasın jaqsılaw “Salıqshı–isbilermenge kómekshi” prinsipi tiykarında isbilermenlik subyektleri menen tuwrıdan-tuwrı baylanısta bolıw ham olardıń jumıs babındaǵı mashqalaların úyreniw boyınsha bir qatar tapsırmalar berilgen edi.
Usı tapsırmalardıń orınlanıwınan kelip shıǵıp meniń basshılıǵımda Moynaq rayonı Mámleketlik salıq inspekcıyası tárepinen búgingi kúnde “Salıqshı isbilermenge kómekshi” prinsipi tiykarında mámleketlik salıq xızmetkerlerı tárepinen ámeliy jumıslar jolǵa qoyilǵan.
Mámleketlik salıq komitetiniń 2021-jıl 11-yanvar kúngi “Salıqshı‑isbilermenge kómekshi” prinsipi tiykarında isbilermenlerdi qollap-quwatlaw boyınsha ámelge asırılıwı lazım bolǵan “Háreketler rejesi” tastıyıqlaw haqqındaǵı 10-sanlı buyrıǵı qabıl etildi.
Usı buyrıqqa tiykarlanıp kómeklesiw zárur bolǵan isbilermenlik subyektleriniń dizimi islep shıǵılıp, bul toparǵa:
– Tazadan ashılǵan sub`ektler;
– Esabat usınbaǵanlar;
– “Nol” esabat usınǵanlar;
– Tólem ámelge asırmaǵanlar;
– is haqı esaplamaǵanlar;
– Bank aylanısın ámelge asırmaǵanlar;
– Salıq uyımlarına bir neshe márte múrájat etken salıq tólewshiler kiritildi.
Usı kómekke zárur bolǵan toparǵa kiritilgen isbilermenlik subyektleriniń mashqalaların úyreniw hámde olarǵa járdem beriw barısında salıq uyımları tárepınen tiyisli is ılajlar alıp barılmaqta.
Atap aytqanda Moynaq rayonlıq mámleketlik salıq ınspekcıyası tárepinen 2022-jıldıń 1-dekabr jaǵdayına 1092 isbilermenler menen ushırasıwlar ótkerdik ham kómeklesiw zárúr bolǵan járdemge mútáj isbilermenlik subyektlerinen 1089 isbilermen menen jeke ushırasıp salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik subyektleriniń mashqalaları úyrenilip shıǵıldı.
Úyreniw nátiyjesinde 53 salıq uyımlarına baylanıslı bolǵan máseleler boyınsha mashqalaları bar ekenligi anıqlanıp, tiyisli ámeliy járdemler kórsetildi.
Sonnan 104 jaǵdayda tazadan ashıp atırǵan isbilermenlerge, 329 jaǵdayda birinshi buxgalteriyalıq esabatların juritiwdi túsindiriw, 264 jaǵdayda salıq tárepinen berilgen jeńilliklerden járdem beriw, 423 jaǵdayda 264,8 mln.somlıq basqa salıq turlerinen artıqsha tólem sommaların qaytarıp beriw hám 5 jaǵdayda basqa máseleler boyınsha mashqalaları sheship berildi.
Sonday-aq, 3 jaǵdayda basqa mákeme hám shólkemlerge tiyisli mashqalalar, 1 jaǵdayda gaz, elektr, suw hám kanalizaciya boyınsha hámde 2 jaǵdayda basqa túrdegi mashqalaları barlıǵı anıqlandı.
Úyreniw nátiyjesi boyınsha tiyisli mákeme hám shólkemlerge xatlar shıǵarılıp 12 mashqalarına járdemlesildi.
“Salıqshı‑isbilermenge kómekshi” prinsipi tiykarında isbilermenlerdi qollap-quwatlaw boyınsha tiyisli is ilajlar salıq uyımları tárepinen dawam ettirilmekte.
Húrmetli isbilermenler! Moynaq rayonı mámleketlik salıq xızmetinde xızmet júrgiziwshi barlıq salıq xızmetkerleri sizlerge kómek beriwge hamiyshe tayyar.