Avtomashinamdı yuridikalıq shaxsqa ijaraǵa bergenmen. Usı dárámatımnan salıq tóleymenbe?
– Mal-múlkti ijaraǵa beriwden alınǵan dárámatlar múlkiy dárámatlar quramına kiritiledi hám dárámat salıǵına tartıladı.
Fizikalıq shaxsqa salıq agenti tárepinen tólenetuǵın múlkiy dárámatlar salıq agentlerınde salıq salınatuǵın dárámatlarǵa kiredi.
Tólew dereginde esaplap shıǵarılǵan salıq somması salıq tólewshige dárámatlardı tólew menen bir waqıtta, bıraq salıq esabatın usınıw múddetlerinen keshiktirmey salıq agenti tárepinen tólenedi.
Solay eken, fizikalıq shaxs tárepinen yuridikalıq shaxsqa avtomashinasın ijaraǵa beriwden alınǵan dárámatlar boyınsha salıq yuridikalıq shaxs tárepinen salıq agenti sipatında esaplap shıǵarıladı hám tólenedi.