Húrmetli salıq tólewshi!
Usı jıldan salıq sistemasın cifrlastırıw, salıq tólewshilerge xızmet kórsetiw sapasın jaqsılaw “Salıqshı-isbilermenge kómekshi” principi tiykarında isbilermenlik subyektleri menen tuwrıdan-tuwrı baylanısta bolıw hám olardıń jumısındaǵı mashqalaların úyreniw boyınsha bir qatar tapsırmalar berilgen edi.
Usı tapsırmalardıń orınlanıwınan kelip shıǵıp meniń basshılıǵımda Bozataw rayonı Mámleketlik salıq inspekciyası tárepinen búgingi kúnde “Salıq-hamkor” principi tiykarında mámleketlik salıq xızmetkerleri tárepinen ámeliy isler jolǵa qoyılǵan.
Mámleketlik salıq komitetiniń 2021-jıl 11-yanvar kúngi “Salıqshı-isbilermenge kómekshi” principi tiykarında isbilermenlerdi qollap-quwatlaw boyınsha ámelge asırılıwı lazım bolǵan “Háreketler rejesi”n tastıyıqlaw haqqındaǵı 10-sanlı buyrıǵı qabıl etildi.
Usı buyrıqqa tiykarlanıp kómeklesiw zárúr bolǵan isbilermenlik subyektleriniń dizimi islep shıǵılıp, bul toparǵa:
– tazadan ashılǵan subyektler;
– esabat ushın baǵanlar;
– “Nol” esabat usınǵanlar;
– tólem ámelge asırmaǵanlar;
– is haqı esaplamaǵanlar;
– bank aylanısın ámelge asırmaǵanlar;
– salıq uyımlarına bir neshe márte múrájat etken salıq tólewshiler kiritildi.
Usı kómekke zárúr bolǵan toparǵa kiritilgen isbilermenlik subyektleriniń mashqalaların úyreniw hámde olarǵa járdem beriw barısında salıq organları tárepinen tiyisli ilajlar alıp barılmaqta.
Atap aytqanda, Bozataw rayonlıq ushin 2022-jıldıń IV-sherek budjet prgnozi ushin plan 2.560.8 mln sóm plan qoyildi hamde sol plandí 2696.6 mln sóm 115% payizga orinladí.Hammde.usi kunge deyin 80 isbilermenler menen ushırasıwlar ótkerdik hám kómeklesiw zárúr bolǵan járdemge mútáj isbilermenlik subyektlerinen 69 isbilermen menen jeke ushırasıp, salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik subyektleriniń mashqalaları úyrenilip shıǵıldı.
Úyreniw nátiyjesinde 58 salıq uyımlarına baylanıslı bolǵan máseleler boyınsha mashqalaları bar ekenligi anıqlanıp, tiyisli ámeliy járdemler kórsetildi.
Sonnan 20 jaǵdayda jańadan jumısın jolǵa qoyıp atırǵan isbilermenlerge birinshi bugalteriyalıq esabatların júritiwdi túsindiriw, 15 jaǵdayda jeke esap betinen nusqa beriw,2 jaǵdayda 100,0 mln. swmlıq basqa salıq túrlerinen artıqsha tólem swmmaların qaytarıp beriw hám 9 jaǵdayda basqa máseleler boyınsha mashqalaları sheship berildi.
Sonday-aq, 11 jaǵdayda basqa mákeme hám shólkemlerge tiyisli mashqalalar, yaǵnıy 2 jaǵdayda 50.0 mln. swmlıq jeńillestirilgen kredit zárúrligi, 1 jaǵdayda gaz, elektr, suw hám kanalizaciya boyınsha hámde 6 jaǵdayda basqa túrdegi mashqalaları barlıǵı anıqlandı.
Úyreniw nátiyjesi boyınsha tiyisli mákeme hám shólkemlerge xatlar shıǵarılıp
4 mashqalarına járdem berildi.
“Salıqshı-isbilermenge kómekshi” principi tiykarında isbilermenlerdi qollap-quwatlaw boyınsha tiyisli ilajlar salıq organları tárepinen dawam ettirilmekte.
Húrmetli isbilermenler! Bozataw rayonı mámleketlik salıq xızmetinde xızmet júrgiziwshi barlıq salıq xızmetkerleri sizlerge kómek beriwge hámiyshe tayınbız.