Nókis qalası mámleketlik salıq inspekciyası baslıǵı S.Usnatdinov paytaxtımızdaǵı 4-sektor aymaǵındaǵı «Kók ózek» mákán puqaralar jıyını turǵınları menen ushırastı.

Qabıllawda puqaralardıń pikir-usınısları, múrájatları tıńlanıp, múrájatlardıń kópshiligi sol jerdiń ózinde unamlı sheshimin taptı.

Múrájatlar tiykarınan bántlik, jol hám gáz máselesi, úy-jayın remontlawǵa járdem beriw, densawlıqtı saqlaw tarawına baylanıslı, joqarı oqıw orınlarında bilim alıp atırǵan studentlerdiń kontrakt pulların tólewge járdem beriw sıyaqlı máselelerinen ibarat boldı.

Qabıllawda sektor baslıǵı, bir qatar puqaralarǵa qıs máwsimin qıyınshılıqlarsız ótkeriw maqsetinde ısıtıw úskenelerin tapsırdı.