Аssаlаwmа alеykum, Hu‘rmetli salıq to‘lewshiler !
Xabarin’iz bar o’tken jildin’ 16-mart sánesinde húrmetli Prezidentimizdin’ Ma’mleketlik salıq komitetine saparı dawamında salıq sistemasın cifrlastırıw, salıq to’lewshilerge xızmet ko’rsetiw sapasın joqarılatıw, «Salıqshı ko’mekshi» principi tiykarinda isbilermenlik subyektleri menen tuwrıdan-tuwrı so’ylesiw, olar dus kelip atırg’an mashqalalardı u’yreniw boyınsha bir qatar tapsırmalar bergen edi.
«Salıqshı ko’mekshi» sistemasınin’ mazmunı sonnan ibarat, en aldı menen biz endi jumıs baslap atırg’an isbilermenge birinshi qa’deminen, og’an qaysı salıq rejimi qolay ha’m paydalı ekenligin tańlap beriwimiz za’rur. Onnan keyin bolsa, biznes subyektlerinin’ «jasap ketiwi», yag’niy ha’reketsiz kárxanalardı qayta tiklewge, buxgalteriyasın ju’ritiw, esabatların toltiriwi ha’m tapsiriliwi, qullaı qanday mashqalası bolsa sheship beriw boyınsha ja’rdem beriwge tiykarg’ı itibar qaratıladı.
No’kis qalalıq ma’mleketlik salıq inspekciyasına 2023-jıl yanvar byudjet dáramatlarına 40 mlrd.sumlıq reje belgilengen bolıp, haqıyqatında 41.3 mlrd. somlıq tu’sim bolıwı ta’minlendi ha’m prognoz ko’rsetkishi 101,1 procentke (1.3 mlrd.somg’a) artıg’ı menen orınlandı. Belgilengen rejeniń artıg’ı menen orınlanıwında hár bir isbilermennin’ u’lesi, onın’ qıyınshılıq ha’m mashqalaların tu’singen halda, jaqin ko’mekshisi sıpatında jumıs sho’lkemlestirilgenligin tiykarg’ı sebep desem aljaspayman.
Bu’gingi ku’nde, tarawımızda qansha salıq nızamshılıg’ın buzıw anıqlandı ha’m qosımsha salıq esaplandı dep isbilermendi jazalawg’a emes, kerisinshe salıq nızamshılıg’ınıń buzılıwı qánsheli dárejede kemeygenligi ha’m artıqsha qárejetlerden saqlap qalıwg’a qansha u’les qosılg’anlıg’ına qarap belgilenedi. Haqıyqatında biz salıq xızmetkeri en’ aldı menen jan’adan jumıs baslap atırg’an isbilermenge, birinshi qa’deminen og’an qaysı salıq rejimi qolay ha’m paydalı ekenligin tańlap beriwimiz za’rúr. Sonnan keyin bolsa, biznes subyektlerinin’ «jasap ketiwi», yag’nıy háreketsiz kárxanalardı qayta tiklewine ko’mek beriw, buxgalteriyasın ju’ritiwi, esabatların toltırıw ha’m tapsırılıwı, qullası, qanday mashqalası bolsa sheshıp beriw boyınsha xızmet ko’rsetiwge tiykarg’ı itibar qaratıwımız lazım.
Búgingi qıyın shárayatta mánzilli islewdi, ha’r bir isbilermen jumisina onın’ qıyınshılıq ha’m mashqalaların tu’singen ha’lda ko’mekshi bolıwdi talap etedi.
No’kis qalası ma’mleketlik salıq inspekciyasında salıq to’lewshilerdi qabıl etiw boyınsha xana sho’lkemlestirildi ha’mde inspekciya salıq xızmetkerlerinin’ a’melge asrıw lazım bolg’an funkcional wazıypaların belgilep beretug’ın jeke tártip islep shig’ildi. Sonnan, salıq to’lewshilerdi qabıl etiw xanasında tiyisli bo’limlerden (yuridikalıq ta’replerge xizmet ko’rsetiw bo’liminen 1 xizmetker, Kameral salıq tekseriwi sektorınan 1 xızmetker, Salıq qarızın o’ndiriwdi sho’lkemlestiriw bo’liminen 1 xızmetker, Esaptı ju’ritiw ha’m byudjet dáramatların prognozlastırıw bo’liminen 1 xızmetker, Sho’lkemlestiriw ham múrájatlardı qabıl etiw bo’liminen 1 xızmetker, Isbilermenlikti qollap-quwatlaw sektorınan 1 xızmetker) 6 xızmetker biriktirildi.
Isbilermnelik xızmetin endi baslap atırg’an ha’mde xızmeti dawaminda qıyınshiliqqa dus kelgen isbilermenlik subyektlerine «Salıqshı-isbilermenge ko’mekshi» principi tiykarında salıq shólkemleri ta’repinen bir qansha jumıslar ámelge asırılıp kelinbekte.
«Salıqshı-isbilermenge ko’mekshi» principi shen’berinde No’kis qalasında 109 isbilermenge ko’meklesiw zárúrligi anıqlandı.
Sonnan, ko’meklesiw za’rúr bolg’an isbilermenlik subyektlerinin’ 91 jag’dayda dáslepki buxgalteriyalıq esabatların ju’ritiwdi tu’sindiriw, “E-ijara” programması boyınsha 6 isbilermenge, esap betinen nusqa beriw boyınsha 39 isbilermenge,
“E-imtiyoz” programması boyınsha 2 isbilermenge, 3 isbilermenge 1.6 mln.somlıq basqa salıq tu’rlerinen artıqsha to’lem summaların qaytarıp beriw ma’seleleri boyınsha mashqalaları unamlı sheship berildi.