Elimizde isbilermenlik subyektleri ushın 2023-jıl 1-yanvardan baslap aylanıstan alınatuǵın salıqtı qatań belgilengen summada tólew tártibi engizildi.
Bunda salıq tólewshiler jámi dáramatı 500 mln somnan aspaǵanda jılına 20 mln somlıq, jámi dáramat 500 mln somnan asqanda bolsa jılına 30 mln somlıq qatań belgilengen summada salıq tólewdi ıqtıyarıy tárizde tańlawları múmkin.
Qaraqalpaqstan Respublikası salıq xızmeti tárepinen isbilermenlik subyektlerine bul baǵdarda túsinik jumısları alıp barılmaqta. Sonday-aq, olarǵa qatań belgilengen summada salıq tólew sistemesına ótiwdiń abzallıqları boyınsha maǵlıwmatlar berilip, bul salıq tólew tártibine ótiw basqıshları haqqında da túsinikler berildi.
Sonday-aq, Nókis qalası salıq inspekciyası tárepinen “Insaplı-salıq tólewshi” sıpatında jumıs alıp barıp atırǵan isbilermenlerge “Alǵısnama” tapsırıldı.