#salıq_kodeksi
59 -statya. Sociallıq tarawda jumıstı ámelge asırıwshı yuridikalıq shaxslar
Bul Kodeks maqsetinde tómendegi tarawlarda iskerlik kórsetiwshi yuridikalıq shaxslar sociallıq tarawda iskerlikti ámelge asırıwshı yuridikalıq shaxslar turine kiredi:
1) tiyisli licenziya tiykarında medicina mákemeleri tárepinen kórsetiletuǵın medicinalıq xızmetler (bunnan kosmetologiya xızmetlerin tısqarı).
Medicinalıq xızmetler túrine, bul bántti qollaw maqsetinde, tómendegiler kiredi, atap aytqanda, medicinalıq járdem xızmetlerin hám sanitariya xızmetlerin kórsetiw:
🔹 kesellikke diagnoz qoyıw, profilaktika hám emlew xızmetleri;
🔹 stomatologiyalıq xızmetler, sonday-aq tis protezlarin ornatıw xızmetleri;
2) bilimlendiriwge baylanıslı xızmetler, sonday-aq, testler hám imtixanlar ótkeriwdi shólkemlestiriw;
3) ilim-pán tarawındaǵı wákillikli organ tárepinen akkreditaciya etilgen ilimiy hám (yamasa) ilimiy-texnikalıq jumıs túrin ámelge asırıwshı subyektleri tárepinen pán tarawında ámelge asırılatuǵın jumıs (sonday-aq ilimiy izertlewler ótkeriw, avtor tárepinen ilimiy-intellektuallıq múlkten paydalanıw, atap aytqanda onı realizaciya etiw);
4) dene tárbiyası hám sport tarawındaǵ xızmetler. Bunday xızmetlerge, atap aytqanda, tómendegiler kiredi:
🔹 sport imaratlarında, mekteplerde, salamatlandırıw baǵdarındaǵı klublarda dene tárbiyası hám sport shınıǵıwların sport túrleri boyınsha oqıw gruppaları hám toparlarında ótkeriw xızmetleri, ulıwma fizikalıq tayarlıq xızmetleri;
🔹 sport jarısları yamasa bayramların, sport -tamasha ilajların ótkeriw xızmetleri, sonıń menen birge, bul ilajlarǵa tayarlıq kóriw hám olardı ótkeriw ushın sport imaratların ijáraǵa beriw;
🔹 sport -texnika ásbap -úskenelerin, trenajyorlardı, úskenelerdi, sport kiyim-kensheklerin berip turıw boyınsha xızmetler;
5) balalardı, kekselerdi hám mayıplıǵı bolǵan shaxslardı sociallıq qorǵaw hám olardıń sociallıq támiynatı tarawındaǵı xızmetler.