📖 Salıq organı yamasa basqa wákillikli organ salıq tekseriwin ótkeriwge, tekseriw nátiyjeleri boyınsha salıq tólewshige salıq qarızın tólew haqqında talapnama jiberiwge yamasa salıq haqqındaǵı nızamshılıqqa muwapıq tóleniwi kerek bolǵan salıqlar muǵdarın qayta kórip shıǵıwǵa haqılı bolǵan múddet salıq minnetlemesi boyınsha dawa etiw múddeti esaplanadı.
🔗 Salıq minnetlemesi boyınsha dawa qılıw múddeti, nátiyjelerine kóre salıq májbúriyatı anıqlanatuǵın salıq dáwiri tamamlanǵannan keyin úsh jıldı óz ishine aladı. Eger salıq májbúriyatınıń júzege keliwi arnawlı bir waqıya yamasa háreket penen baylanıslı bolsa, salıq minnetlemesi boyınsha dawa qılıw múddeti sol waqıya yamasa háreket júz bergen waqıttan baslap úsh jıldı quraydı.
🔎Dawa qılıw múddeti salıq haqqındaǵı nızamshılıqqa muwapıq salıq tólewshi tárepinen salıq stavkası, tólenetuǵın salıq muǵdarı, salıq jeńilligi yamasa salıq shegirmesi qollanılıwı hám (yamasa ) salıqtı tólew múddeti ózgeriwi menen baylanıslı shártlerdiń ámel etiw múddetine sozdırıladı.
📃Salıq májbúriyatı boyınsha dawa etiw múddetiniń ótiwi puqaralıq nızamshılıqqa muwapıq toqtatıp turıladı hám qayta tiklenedi.
🟢telegram (http://t.me/qrmsb) 🔴 facebook (https://www.facebook.com/qrsoliq) 🔵 instagram (https://www.instagram.com/saliq_xabarlari) 🟠 youtube (http://www.youtube.com/channel/UCs9W8hHEZV7vrNsW5bLYlLw)