#turaqlılıq_reytingi_seminar
Nókis qalası salıq inspekciyası qánigeleri tárepinen Berdaq atındaǵı Qaraqalpaq Mámleketlik Universiteti Ekonomika fakulteti student jasları ushın Isbilermenlik subyektleriniń turaqlılıq reytingi hám salıq nızamshılıǵına kiritilgen sońǵı ózgerislerge arnalǵan seminar bolıp ótti.
💢Ushırasıwda Isbilermenlik subyektleriniń turaqlılıq reytingın qáliplestiriwdiń tiykarı bolǵan 4 kategoriyanıń 23 kriteryası, sonıń menen birge, joqarı kategoriyanıń abzallıqları haqqında túsinikler berildi.
🗓2024-jıl 1-aprelden isbilermenlik subyektlerine subsidiya, jeńillik hám preferenciyalar olardıń reyting kórsetkishinen kelip shıqqan halda beriliwi aytıp ótildi. Seminarda tıńlawshılar nátiyjeli jumıs islewi ushın zárúr bolǵan bilim hám kónlikpelerge iye boldı.
Ushırasıw juwmaǵında ilaj qatnasıwshıları ózlerin qızıqtırǵan sorawlarına qánigelerden juwaplar aldı.