#nızamshılıqtaǵı_jańalıqlar
Suw resurslarınan paydalanǵanı ushın esabattı avtomatikalıq túrde qáliplestiriw jolǵa qoyıladı
Suw resurslarınan paydalanǵanı ushın salıq hákimshiligin jetilistiriw maqsetinde Ministrler Kabinetiniń qararı qabıl etildi.
👉MKQ-32-san, 22.01.2025-j.
Usı qarar menen:
🔹Salıq uyımları tárepinen awıl xojalıǵı jerlerin suwǵarıw hám balıq jetistiriw (óstiriw) ushın jumsalǵan suw kólemi boyınsha suw resurslarınan paydalanǵanı ushın salıq esabatın avtomatikalıq túrde qáliplestirip beriw jolǵa qoyıladı.
🔹Ministrlik hám uyımlar tárepinen óz-ara málimleme almasıw sisteması, sonday-aq, Suw xojalıǵı ministrliginiń “Suw esabı” málimleme sisteması arqalı usınılǵan maǵlıwmatlar tiykarında salıqlar avtomat esaplanıp, esabatta qáliplestirilip beriledi.
Ámeldegi tártipke bola, salıq tólewshiler suw salıǵı esabatı formasınıń 0701 hám 0702-qatarlarına Suw xojalıǵı ministrligi tárepinen usınılǵan suw kólemin óz betinshe kirgizip kelgen halda usınıp kelgen.
Endi salıq uyımları tárepinen qáliplestirilgen salıq esabatınıń durıslıǵın hám tolıqlıǵın tastıyıqlaydı yamasa narazılıqlar bar bolsa, salıq esabatın qayta kórip shıǵıp, 15-dekabrge shekem tiyisli tiykarlardı qosımsha etken halda salıq uyımlarına usınadı.
Maǵlıwmat ushın, awıl xojalıǵı kárxanası esaplanbaytuǵın salıq tólewshiler awıldan tısqarı maqsetlerde paydalanılǵan suw resursları ushın wákillikli uyım tárepinen usınılǵan suw kólemin óz betinshe kiritilgende nızamshılıqta belgilengen múddetlerde salıq esabatların usınadı.
Esletip ótemiz, salıq uyımı tárepinen qáliplestirilgen salıq esabatı belgilengen múddette salıq tólewshi tárepinen tastıyıqlanbaǵanda yamasa qayta islengen halda usınılmaǵan jaǵdayda, salıq tólewshi nızamshılıq hújjetlerinde belgilengen juwapkershilikten azat etilmeydi.