Ámiwdárya rayonı salıq inspekciyası, sociallıq tarmaqlardaǵı múrájat boyınsha tómendegilerdi málim etip bildiredi:
Rayonlıq Kadastr xızmeti uyımı tárepinen puqara G.Ibragimovanıń atına 23:01:18:01:04:0261-sanlı, 23:01:18:01:04:0262-sanlı hám 23:01:18:01:04:0263-sanlı kadastr sanlı turaq jay emesler programmalıq ónimge kirgizilgen. Biraq, Kadastr uyımı tárepinen 2024-jıl 23-aprel kúni 23:01:18:01:04:0263-sanlı kadastr sanlı turaq jay emes jay “texnikalıq qátelik sebepli kóshpes múlk tákirarlanǵan” dep programmalıq ónimnen óshirilgen.
Ózbekstan Respublikası Salıq kodeksiniń 439-statyasında salıqtı esaplap shıǵıw salıq tólewshiniń jasaw ornına qaramastan, jer uchastkası jaylasqan jerdegi salıq uyımları tárepinen kóshpes múlkke bolǵan huqıqlardı mámleketlik dizimnen ótkeriwshi uyımnıń (kadastr xızmeti uyımı) maǵlıwmatları tiykarında ámelge asırılıwı belgilengen.
Sol sebepli bul múrájat basqa shólkemge tiyisli ekenligin, anıq maǵlıwmat alıw ushın kadastr xızmetine múrájat etiwin soraymız.
Múrájatıńızǵa qaytarılǵan juwap xatınan qanaatlanbaǵan jaǵdayda, Ózbekstan Respublikası “Fizikalıq hám yuridikalıq táreplerdiń múrájatları haqqında”ǵı nızam talaplarına muwapıq múrájat etiw huqıqıńız bar ekenligin málim etemiz.
Ámiwdárya rayonı salıq inspekciyasınıń baslıǵı,
Jaxangir Raximov.