2025-jıl 1-aprelden dáramatına qaramastan, farmacevtika ónimleri sawdası menen shuǵıllanıwshı yamasa medicinalıq xızmet kórsetiwshi yuridikalıq shaxslar QQS tólewshisi boladı.
Onda salıq uyımları Onlayn-QKT, EEF hám basqa da sırtqı hám ishki maǵlıwmatlar tiykarında QQS esabatların avtomatıkalıq túrde qáliplestiredi.
❗️Usı tártip Salıq kodeksine tiyisli ózgerisler kirgizilgennen soń ámeliyatqa engiziledi.
👉Salıq kodeksiniń 2 hám 75-statyası
Ámeldegi nızamshılıqqa bola, farmacevtika ónimlerin satıwshı yamasa medicinalıq xızmetler kórsetiwshi yuridikalıq shaxslar ushın salıq tólew tártibi tómendegishe:
✔️dáramatı 1 mlrd sumnan aspaytuǵınlar – aylanbadan alınatuǵın salıq tóleydi;
✔️dáramatı 1 mlrd sumnan kóp bolǵanlar – QQS hám payda salıǵın tólewge ótedi.
QQS 12% ti, payda salıǵı stavkası 15% ti quraydı. Sociallıq taraw jumısın ámelge asırıwshı salıq tólewshiler ushın payda salıǵı stavkası 0% (https://lex.uz/ru/docs/-4674902)belgilengen.
Aylanbadan alınatuģın salıq stavkası 4%ti quraydı.
💊Kótere hám usaqlap dári ónimlerın satıw menen shuǵıllanıwshı dárixanalar ushın salıq stavkaları tómendegishe belgilengen:
🌀Xalıq sanı 100 mıń hám onnan kóp bolǵan qalalarda – 3%;
basqa xalıq jasaw punktlerinde – 2%;
barıw qıyın bolǵan hám tawlı rayonlarda – 1%.
Sonday-aq, salıq tólewshiler qatań belgilengen summada aylanbadan alınatuǵın salıqtı tólewge haqılı.
Salıq kodeksi, 467-statya.
Maǵlıwmat ushın. 2024-jıldıń juwmaǵı boyınsha, bul tarawda 7 785 yuridikalıq tárep AAS tólewshisi esaplanadı, sonnan, 1 208 yuridikalıq shaxs qatań belgilengen muǵdarda salıq tóleydi.