#ushırasıw

Kishi hám orta biznes wákilleri menen ashıq pikirlesiw Kegeyli rayonında bolıp oʻtti

Salıq komiteti baslıǵı orınbasarı Uluǵbek Sadullayev, Qaraqalpaqstan Respublikası salıq basqarması baslıǵı X.Bekchanov hám Qaraqalpaqstan Respublikası Joqarǵı Keńesinıń komitet baslıǵı B.Seytnazarov qatnasıwında Kegeyli rayonı isbilermenleri menen ashıqtan-ashıq sáwbetlesiw ótkerildi.

Ushırasıw dawamında salıq siyasatındaǵı jańalıqlar, ámeldegi stavkalar, isbilermenlik jumısın qollap-quwatlawshı jeńillikler haqqında tolıq maǵlıwmatlar berildi.

Ushırasıwda isbilermenlerden jeńilliklerden paydalanıw, QQStı qaytarıw hám salıq esabatların tapsırıwǵa baylanıslı múrájatlar kelip tústi.

Ushırasıw dawamında isbilermenler tárepinen kóterilgen máselelerdiń kópshiligine sol jerdiń ózinde sheshim tabıldı, ayırımları boyınsha juwapker qánigeler biriktirildi.

Úyreniwi tiyis bolǵan mashqalalar boyınsha anıq ilajlar belgilenip, olardıń orınlanıwı Salıq komiteti baslıǵınıń orınbasarı tárepinen jeke qadaǵalawǵa alındı.