#ushırasıw
#Tórtkól_rayonı
Kishi hám orta biznes wákilleri menen ashıq pikirlesiw bolıp ótti
🔼Qaraqalpaqstan Respublikası Ministrler Keńesi baslıǵınıń – Finans, ekonomika hám kámbaǵallıqtı qısqartıw máseleleri boyınsha birinshi orınbasarı – Ekonomikalıq rawajlanıw hám kámbaǵallıqtı qısqartıw ministri N.Erlepesov hám Qaraqalpaqstan Respublikası salıq basqarması baslıǵı X.Bekchanov kishi hám orta biznesti bunnan bılay da rawajlandırıw, bul baǵdarda olardıń jumısına tosqınlıq etip atırǵan mashqalalardı saplastırıw maqsetinde isbilermenler menen ashıqtan-ashıq sóylesiw ótkerdi. Usınday ushırasıwlardan gezektegisi Tórtkól rayonında bolıp ótti.
⚡️Júzbe-júz sóylesiwde salıq basqarması baslıǵı kishi hám orta biznesti jáne de rawajlandırıw, bul baǵdarda usı tarmaq wákillerine berilgen salıq jeńillikleri hám salıq uyımları tárepinen jasırın ekonomikanıń aldın alıw, rásmiy emes isbilermenlik jumısın sayadan alıp shıǵıw sonday-aq, Qaraqalpaqstan Respublikası sanaat kárxanalarında janılǵı-energiya resurslarınan ùnemli paydalanıw maqsetinde elektr energiyası ushın tarif 15 procent toʻmenletilgen mugʻdarda jeńillikler berilgenligi haqqında tùsinikler berildi.
✍️Ushırasıwda isbilermenlerdiń jumısına tosqınlıq etip atırǵan mashqalalarǵa sheshim tabıwǵa ayrıqsha itibar qaratıldı.
Sonıń ishinde, isbilermenler tárepinen salıq esabatların tapsırıw, salıq jeńilliklerinen paydalanıw, tovarlardı sanlı markirovkalaw, hákimshilik járiymalar jáne múlk salıǵı esabatların durıs tapsırıwda anıqlanǵan kemshiliklerdi saplastırıwda ámeliy járdem kórsetiw boyınsha múrájatlar qabıl etildi.
