Сатып алған ɵнимиңиз ушын чек алып атырсызба?

Сиз дәриханалар , АЖҚШ , темеки ҳәм алкоголь өнимлерисаўдасы ҳәм саўда орынларында  QR кодлы чеклер берилиўи шәрт екенлигин билесизбе? Бунда төлем қандай формада әмелге асырылыўыныӊ парқы жоқ.

 

Әмелдеги нызамшылыққа муўапық жоқарыда көрсетилген исбилерменлик субъектлери усы жылдыӊ 1-январь сәнесинен баслап онлайн қадағалаў касса техникасынан пайдаланыўы ҳәм QR кодлы чеклерди бериўи шәрт.

Бирақ айырым кассирлар офлайн терминаллардан пайдаланыўда даўам етпекте ҳәм  тутыныўшыларға әпиўайы чеклерди бермекте. Бундай чеклерде нызамластырылған мағлыўматлар жоқ: товарлар (жумыслар, хызметлер) аты, муғдары, баҳасы, суммасы, қосылған қун салығы ставкасы ҳәм суммасы (ҚҚС төлеўшиси болғанда), сондай-ақ QR-код ҳәм фискал белги.

Дәрихана, жанылғы қуйыў шақапшасы ямаса алкоголь ҳәм темеки өнимлерин сатыў пунктлери тәрепинен бундай ҳәрекетерге жол қойылыўы салық ҳуқықбузарлығы есапланады.

Президентимиздиӊ “Саўда ҳәм хызмет көрсетиў тараўындағы есап-китаплар системасына заманагөй мәлимлеме технологияларын енгизиў ҳәм усы тараўда жәмийетшилик қадағалаўын күшейтиў илажлары ҳақкында”ғы ПП-5813-санлы пәрманына муўапық төлем терминалы арқалы қабыл етилген төлемлер ушын қарыйдарларға төлем терминалы чеги менен бирге онлайн-ҚКМ ямаса виртуал касса чеги де берилиўи шәрт.

Егер тутыныўшыныӊ ҳуқықлары бузылса, нызам бузыўшыға 5 млн. сумнан 20 млн. сумға шекем жәрийма қолланылады (Салық кодексиниӊ 221-статьясы).

 

Сатып алған өнимиӊиз ушын чек бермеслик жағдайына гүўа болсаӊыз, Мәмлекетлик салық комитетине “Soliq hamkor” мәлимлеме системасы арқалы мүрәжат етиӊ

 

✅Soliq  мобил қосымшасында “Soliq hamkori” бөлими;

✅my.soliq.uz – мәмлекетлик салық хызметлери порталы;

✅@soliq_hamkor_bot – телеграм-боты.

 

Сондай-ақ, мүрәжатлар “исеним телефоны” (☎️ 71-244-98-98) ямаса call-орайы (📞1198) арқалы да қабыл етиледи.