#turaqlılıq_reytingi
Turaqlılıq reytinginde joqarı kategoriyaǵa ótiw mexanizmleri isbilermenlerge jetkerilmekte
📊 2024-jıl 1-fevraldan nızamshılıq talaplarına ámel etken halda jumıs islep atırǵan isbilermenlik subyektlerin anıqlaw hám qosımsha xoshametlewdi názerde tutatuǵın isbilermenlik subyektleriniń turaqlılıq reytingi engizildi. Sonday-aq, 2024-jıl 1-aprelden isbilermenlik subyektlerine subsidiya, jeńillik hám preferenciyalar reyting kórsetkishinen kelip shıqqan halda beriletuǵın boldı.
🔼 Reytingtıń mazmun-mánisi, ondaǵı ulıwma, xoshametlew ilajları hám kemeytiriwshi kriteriyaları haqqında túsinik beriw maqsetinde Qaraqalpaqstan Respublikası salıq basqarması qánigeleri tárepinen isbilermenler menen ushırasıwlar ótkerilmekte.
📈Atap aytqanda, qánigeler Nókis qalasındaǵı isbilermenlik subyekti wákilleri menen ushırasıp, turaqlılıq reytinginde joqarı kategoriyaǵa shıǵıw múmkinshilikleri hám salıq jeńillikleri haqqında túsintirildi.