#jasırın_ekonomika
Qaraqalpaqstan Respublikasında jasırın ekonomika úlesin qısqartıw boyınsha ámelge asırılıp atırǵan jumıslar jańa basqıshqa kóterildi
Prezidentimizdiń 2020-jıl 30-oktyabrdegi “Jasırın ekonomikanı qısqartıw hám salıq uyımları jumısınıń nátiyjeliligin arttırıw boyınsha shólkemlestiriwshilik ilajlar haqqında”ǵı PP-6098-sanlı Pármanınıń orınlanıwı sheńberinde salıq hákimshiligin sanlastırıw, qadaǵalaw-kassa texnikaların keńnen engiziw, naq pulsız esap-sanaqlardı xoshametlew hám nızamsız ekonomikalıq jumısqa shek qoyıw maqsetinde keńnen reformalar ámelge asırılmaqta.
Atap aytqanda, búgin Qaraqalpaqstan Respublikası salıq basqarması baslıǵı E.Narmanov hám Ekonomikalıq jınayatlarǵa qarsı gúresiw departamenti Qaraqalpaqstan Respublikası basqarması baslıǵı A.Yuldashev tárepinen aymaqtaǵı bazarlar hám sawda komplekslerinde úyreniw jumısları alıp barılmaqta.
Maǵlıwmat ornında, Respublikamızdaǵı 27 bazar hám sawda komplekslerinde baqlaw kameraları ornatılıp, sawda processleri tolıq sanlastırıldı.
Atap aytqanda, Nókis qalasındaǵı “Oraylıq diyqan bazarı”nda 30 dana sanlı baǵdarlama menen úskenelengen zamanagóy videobaqlaw úskeneleri menen támiyinlenip, maǵlıwmatlar fiskal yadqa ie bolǵan halda, hár bir pogonometr orınları esap-sanaq etiledi hám sawda orınlarında pogonometr ornı boyınsha satılıp atırǵan ónimlerdiń belgilengen stavkaları boyınsha tólem summaları esapqa alınadı.
Álbette, bul ilajlar salıq bazasın keńeytiw, byudjet túsimlerin arttırıw hám biznes ortalıǵında teń básekini támiyinlewge qaratılǵanı menen áhmiyetli.
