“Isbilermenlik subektleri ushın hákimshilik hám salıq júgin bunnan bılay da azaytıw, biznestiń nızamlı máplerin qorǵaw sistemasın jetilistiriw ilajları haqqında”ǵı Prezident pármanı (PP-6314-san, 15.09.2021-j.) qabıl etildi.
Pármanǵa tiykar, 2021-jıl 1-oktyabrden baslap tómendegiler biykar etiledi:
– qatań belgilengen muǵdardaǵı fizikalıq táreplerden alınatuǵın dáramat salıǵı tólewshisi bolǵan jeke tártiptegi isbilermenler tárepinen salıq uyımlarına salıq esabatın tapsırıw minnetlemesi;
– ayrıqsha tayar import tutınıw tovarlarınıń bajıxana deklaraciyası rásmiylestirilgen sáneden keyin 12 ay ótkennen soń satıwǵa qoyılatuǵını hám usaqlap satıw da realizaciyalanıwına qoyılǵan qadaǵan;
2022-jıl 1-yanvardan 2023-jıl 1-yanvarǵa shekem respublika rayonlarında (Tashkent qalası bunnan tısqarı) iskerlik júrgiziwshi JTIge belgilengen sociallıq salıq stavkası eki esege azaytılǵan halda bazalıq esaplaw muǵdarınıń 50 procenti muǵdarında belgilenedi.
2021-jıl 1-oktyabrden tiyisli mámleketlik uyımlar hám jerglikli mámleketlik hákimiyatı uyımlarınıń qadaǵalaw funkciyaları biykar etiledi.
2022-jıl 1-yanvardan:
qadaǵalawshı uyımlar isbilermenler iskerligin belgilengen tártipte tastıyıqlanǵan sorawnama boyınsha tekseredi;
Sawda-sanaat palatası aǵzası bolǵan isbilermenler iskerligin tekseriwde usı isbilermenler iskerligin tekseriwde usı isbilermenler razılıǵı menen Sawda-sanaat palatası xızmetkerleri qatnasadı;
Tekseriwlerdi dizimge alıw kitabınıń esabı elektron tárizde júrgiziledi;
isbilermenler iskerliginde tekseriwler nızambuzılıwlarǵa jol qoyılıwınıń aldın alıw boyınsha profilaktika ilajları ótkerilgennen keyin ámelge asırıladı (salıq tekseriwleri, jınayat isleri hám operativ-izlew iskerligi sheńberindegi tekseriwler bunnan tısqarı).
2022-jıl 1-aprelge shekem isbilermenlik tarawında mámleketlik qadaǵalaw menen baylanıslı úlken kólemdegi maǵlıwmatlardı jıynaw, analizlew hám qayta islew imkaniyatın beriwshi “Birden-bir mámleketlik qadaǵalawı” málimleme sisteması iske túsiriledi.
2022-jıldan baslap isbilermenlik subektlerine hákimshilik basım dárejesin anıqlaw hám jeńilletiw, sonday-aq, huqıqbuzarlıqlardıń aldın alıwǵa qaratılǵan Isbilermenlik jumısı erkinligi indeksi engiziledi.