Elimizde jaslardı hár tárepleme qollap-quwatlaw, olardıń bilim alıwı, kásip úyreniwi hám isbilermenlikti baslawlarına kómek beriw baǵdarında qatar jumıslar ámelge asırılmaqta.
Mine usınday jaslardıń pikir usınısların tıńlaw, jol-joba kɵrsetiw hám kásipke baǵdarlaw maqsetinde orınlarda tiyisli uyımlar tárepinen jaslar menen ushırasıwlar ótkerilmekte.
Taqıyatas rayonında Qaraqalpaqstan Respublikası mámleketlik salıq basqarması baslıǵınıń jaslar menen ushırasıwı da bul baǵdardaǵı alıp barılıp atırǵan jumıslardıń dawamı boldı.
Ushırasıwda jaslardıń pikir-usınısları, múrájatları tıńlanıp, múrájatlardıń kópshiligi sol jerdiń ɵzinde unamlı shesheimin taptı.
Múrájatlar tiykarınan bántlik, kredit, salıq jeńillikleri máselelerinen ibarat boldı.
Sonday-ak, ózleriniń biznes joybarların baslamaqshı bolǵan ilaj qatnasıwshıları qánigelerden ózlerin qızıqtırǵan sorawlarına juwaplar aldı.
Qaraqalpaqstan Respublikası mámleketlik salıq basqarması Málimleme xızmeti