Assalawma aleykum, Húrmetli salıq tólewshiler!
Xabarıńız bar, usı jıldıń 16-mart kúni Húrmetli prezidentimizdiń Mámleketlik salıq komitetine barıp salıq sistemasın cifrlastırıw, salıq tólewshilerge xızmet kórsetiw sapasın jaqsılaw “Salıqshı–isbilermenge kómekshi” principi tiykarında isbilermenlik subyektleri menen tuwrıdan-tuwrı baylanısta bolıń hám olardıń jumısındaǵı mashqalaların úyreniw boyınsha bir qatar tapsırmalar berilgen edi.
Usı tapsırmalardıń orınlanıwınan kelip shıǵıp meniń basshılıǵımda Moynaq rayonı Mámleketlik salıq inspekciyası tárepinen búgingi kúnde “Salıq hamkor” principi tiykarında mámleketlik salıq xızmetkerleri tárepinen ámeliy jumıslar jolǵa qoyılǵan.
Mámleketlik salıq komitetiniń 2021-jıl 11-yanvar kúngi “Salıqshı isbilermenge kómekshi” principi tiykarında isbilermenlerdi qollap-quwatlaw boyınsha ámelge asırılıwı lazım bolǵan “Háreketler rejesi” tastıyıqlaw haqqındaǵı 10-sanlı buyrıǵı qabıl etildi.
Usı buyrıqqa tiykarlanıp kómeklesiw zárúr bolǵan isbilermenlik subyektleriniń dizimi islep shıǵılıp, bul toparǵa:
– Jańadan ashılǵan subyektler;
– Esabat usınbaǵanlar;
– “Nol’” esabat usınǵanlar;
– Tólem ámelge asırmaǵanlar;
– Is haqı esaplamaǵanlar;
– Bank aylanısın ámelge asırmaǵanlar;
– Salıq uyımlarına bir neshe márte múrajat etken salıq tólewshiler kiritildi.
Usı kómekke zárúr bolǵan toparǵa kiritilgen isbilermenlik subyektleriniń mashqalaların úyreniw hámde olarǵa járdem beriw barısında salıq organları tárepinen tiyisli ilajlar alıp barılmaqta.
Atap aytqanda, Moynaq rayonlıq mámleketlik salıq inspekciyası tárepinen 2022-jıldıń I sheregi dáwamında 275 isbilermenler menen ushırasıwlar ótkerdik hám kómeklesiw zárúr bolǵan járdemge mútáj isbilermenlik subyektlerinen 273 isbilermen menen jeke ushırasıp salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik subyektleriniń mashqalaları úyrenilip shıǵıldı.
Úyreniw nátiyjesinde 38 salıq uyımlarına baylanıslı bolǵan máseleler boyınsha mashqalaları bar ekenligi anıqlanıp, tiyisli ámeliy járdemler kórsetildi.
Sonnan 33 jaǵdayda jańadan ashılǵan isbilermenlerge, 74 jaǵdayda birinshi buxgalteriyalıq esabatların júritiwdi túsindiriw, 77 jaǵdayda salıq tárepinen berilgen jeńilliklerden járdem beriw, 75 jaǵdayda 35,7 mln.sumlıq basqa salıq túrlerinen artıqsha tólem summaların qaytarıp beriw hám 9 jaǵdayda basqa máseleler boyınsha mashqalaları sheship berildi.
Sonday-aq, 2 jaǵdayda basqa mákeme hám shólkemlerge tiyisli mashqalalar, 1 jaǵdayda gaz, elektr, suw hám kanalizaciya boyınsha hámde 2 jaǵdayda basqa túrdegi mashqalaları barlıǵı anıqlandı.
Úyreniw nátiyjesi boyınsha tiyisli mákeme hám shólkemlerge xatlar shıǵarılıp 3 mashqalarına járdemlesildi.
“Salıqshı isbilermenge kómekshi” principi tiykarında isbilermenlerdi qollap-quwatlaw boyınsha tiyisli ilajlar salıq uyımları tárepinen dawam ettirilmekte.
Húrmetli isbilermenler! Moynaq rayonı mámleketlik salıq xızmetinde xızmet júrgiziwshi barlıq salıq xızmetkerleri sizlerge kómek beriwge hámme waqıt tayın.
Moynaq rayonı mámleketlik salıq inspekciyası baslıǵı A.Raxmetullaevtıń isbilermenlerge esabatı hám múrajatı
