Аssаlаwmа alеykum, Hu‘rmetli salıq to‘lewshiler !
Xabarin’iz bar usi jildin’ 16-mart ku’ni húrmetli Prezidentimizdin’ Ma’mleketlik salıq komitetine saparı dawamında salıq sistemasın no’merlestiriw, salıq to’lewshilerge xızmet ko’rsetiw sapasın joqarılatıw, «Salıqshı ko’mekshi» principi tiykarında isbilermenlik subyektleri menen tuwrıdan-tuwrı so’ylesiw, olar dus kelip atirg’an mashqalalardi u’yreniw boyınsha bir qatar tapsırmalar bergen edi.
«Salıqshı ko’mekshi» sistemasınin’ mazmunı sonnan ibarat, en aldı menen biz endi jumıs baslap atirg’an isbilermenge birinshi qa’deminen, og’an qaysı salıq rejimi qolay ha’m paydalı ekenligin tańlap beriwimiz za’rur. Onnan keyin bolsa, biznes subyektlerinin’ «jasap ketiwi», yag’niy ha’reketsiz kárxanalardı qayta tiklewge, buxgalteriyasin ju’ritiw, esabatların toltiriwı ha’m tapsiriliwi, qullasi qanday mashqalası bolsa sheshıp beriw boyınsha ja’rdem beriwge tiykarg’i itibar qaratıladı.
Shimbay rayonı ma’mleketlik salıq inspekciyasina III sherek avgust ayı ushın byudjet dáramadlarina 3,9 mlrd. somlıq reje belgilengen bolıp, haqıyqatında 4,1 mlrd. somlıq tu’sim boliwi ta’minlendi ha’m prognoz ko’rsetikishi 101,0 payızg’a (0,043 mlrd. somg’a artig’i menen) orınlandı. Belgilengen rejeniń artig’i menen orinlaniwinda hár bir isbilermennin’ u’lesi, onin’ qıyınshılıq hám mashqalaların tu’singen halda, jaqın ko’mekshisi sipatinda jumıs sho’lkemlestirilgenligin tiykarg’i sebep desem aljaspayman.
Bu’gingi ku’nde, tarawımızda qansha salıq nizamshilig’in buzıw anıqlandı ha’m qosımsha salıq esaplandı, dep isbilermendi jazalawg’a emes, kerısınshe salıq nizamshilig’i buzılıwı qanshalıq dárejede kemeygenligi ha’m artıqsha qárejetlerden saqlap qalıwg’a qansha u’les qosılg’anlig’ına qarap belgilenedi. Haqıyqatında salıq xızmetkeri en’ aldi menen, jan’a jumıs baslap atırg’an isbilermenge, birinshi qa’deminen og’an qaysı salıq rejimi qolay ha’m paydali ekenligin tańlap beriwimiz za’rúr. Sonnan keyin bolsa, biznes subyektlerinin’ «jasap ketiwi», yag’niy háreketsiz kárxanalardi qayta tiklewine ko’mek beriw, buxgalteriyasin ju’ritiwi, esabatlarin toltiriw ha’m tapsiriliwi, qullasi, qanday mashqalasi bolsa sheship beriw boyinsha xizmet ko’rsetiwge tiykarg’i itibar qaratiwimiz lazim.
Búgingi qıyın sharayatta mánzilli islewdi, ha’r bir isbilermen jumisina onin’ qıyınshiliq ha’m mashqalalarin tu’singen ha’lda ko’mekshi boliwdi talap etedi.
Shımbay rayonı ma’mleketlik salıq inspekciyasinda salıq to’lewshilerdi qabıl qiliw boyınsha xana sho’lkemlestirildi ha’mde inspekciya salıq xizmetkerlerinin’ a’melge asiriw lazim bolg’an funkcional waziypalarin belgilep beretug’in jeke tártip islep shig’ildi. Sonnan, salıq to’lewshilerdi qabıl etiw xanasında tiyisli bo’limlerden (yuridikalıq ta’replerge xizmet ko’rsetiw bo’liminen 1 xizmetker, Kameral salıq tekseriwi sektorinan 1 xizmetker, Salıq qarizin o’ndiriwdi sho’lkemlestiriw bo’liminen 1 xizmetker, Esapti ju’ritiw ha’m byudjet dáramadların prognozlastiriw bo’liminen 1 xizmetker, Sho’lkemlestiriw ham múrájatlardı qabıl etiw bo’liminen 1 xizmetker, Isbilermenlikti qollap-quwatlaw sektorinan 1 xizmetker) 6 xizmetker biriktirildi.
Isbilermnelik xizmetin endi baslap atirg’an ha’mde xizmeti dawaminda qıyınshiliqqa dus kelgen isbilermenlik subyektlerine «Salıqshi-isbilermenge ko’mekshi» principi tiykarinda salıq shólkemleri ta’repinen bir qansha jumislar amelge asirilip kelinbekte.
«Salıqshı-isbilermenge ko’mekshi» principi shen’berinde Shımbay rayonindag’i 17 isbilermenge ko’meklesiw zárúrligi anıqlandi.
Sonnan, Ko’meklesiw za’rur bolg’an isbilermenlik subyektlerinin’ 6 jag’dayda dáslepki buxgalteriyalıq esabatlarin ju’ritiwdi tu’sindiriw, E-ijara programması boyinsha 1 isbilermenge, 9 isbilermenge 65.6 mln.sumliq basqa salıq tu’rlerinen artıqsha to’lem summalarin qaytarip beriw, 1 isbilermennin’ basqa ma’seleler boyinsha mashqalalari unamli sheship berildi.