Usı jıldıń 16-mart kúni Húrmetli Prezidentimizdiń Mámleketlik salıq komitetine keliwi dawamında salıq sistemasın cifrlastırıw salıq tólewshilerge xızmet kórsetiw sapasın jaqsılaӯ “Salıqshı–isbilermenge kómekshi” principi tiykarında isbilermenlik sub’ektleri menen tuwrıdan-tuwrı baylanısta bolıӯ ham olardıń jumıs babındaǵı mashqalaların úyreniw boyınsha bir qatar tapsırmalar berilgen edi.
Usı tapsırmalardıń orınlanıwınan kelip shıǵıp meniń basshılıǵımda Xojeli rayonı Mámleketlik salıq inspekcyası tárepinen búgingi kúnde “Soliq-hamkor” principi tiykarında mámleketlik salıq xızmetkerleri tárepinen ámeliy isler jolǵa koyılǵan.
Mámleketlik salıq komitetiniń 2021 jıl 11 yanvar’ kúngi “Calıqshı – isbilermenge kómekshi” principi tiykarında isbilermenlerdi qollap-quwatlaw boyınsha ámelge asırılıwı lazım bolǵan “Háreketler rejesi” tastıyıqlaw haqqındaǵı 10-sanlı bўyrıǵı qabıl etildi.
Usı buyrıqqa tiykarlanıp kómeklesiw zárúr bolǵan isbilermenlik sub’ektleriniń dizimi islep shıǵılıp, bul toparǵa:
– Tazadan ashılǵan sub’ektler;
– Esabat usınbaǵanlar;
– “Nol’” esabat usınǵanlar;
– Tólem ámelge asırmaǵanlar;
– Is haqı esaplamaǵanlar;
– Bank aylanısın ámelge asırmaǵanlar;
– Salıq uyımlarına bir neshe márte múrájat etken salıq
tólewshiler kiritildi.
Usı kómekke zárúr bolǵan toparǵa kiritilgan isbilermenlik sub’ektleriniń mashqalaların úyreniw hámde olarǵa járdem beriw barısında salıq organları tárepinen tiyisli is ilajlar alıp barılmaqta.
Atap aytqanda Xojeli rayonlıq mámleketlik salıq inspekciyası tárepinen 2022-jıldıń I-keregi dáwirde 349 isbilermenlik sub’ektleri aralıqtan xam ornına bargan xalda uyrenilip shıǵılıp, salıq tólewshilerge kórsetiletuǵın arnawlı xızmetler dizimi menen tanıstırılıp, isbilermenlik sub’ektleriniń mashqalaları úyrenilip shıǵıldı.
Ureniw nátiyjesinde 259 salıq uyımlarına baylanıslı bolǵan máseleler boyınsha mashqalaları bar ekenligi anıqlanıp, tiyisli ámeliy járdemler kórsetildi.
Sonnan 36 jagdayda tazadan ashılgan isbilermenlerge daslepki buxgalteriya júritiw boyınsha túsinik másláhatler berilip kelinbekte.
Xojeli rayonı mámleketlik salıq inspekciyası baslıǵı P.Niyatullayevtıń isbilermenlerge esabatı hám múrajatı
